Nabi Aur Rasool (Part II)

Pichli Blog ke saath hi continue kar raha hoo jo ki Nabi aur Rasool Part (I) tha. Ab hum aage janenge ki Nabi aur rasool ke baare me aur kya Aqeeda rakhna chahiye:

6) Jo un ke Paigaam ko maanta hai, use sawaab aur Jannat ki khush khabri sunaate hain aur jo nahin maanta, use Allah Ta'ala ke azaab aur Dozzkh se daraate hain.

                                                                                                                   (Sura-e-Saba: 28)

7) Woh Khud bhi achche kaam karte aur bure kaamon se bachte hain aur doosron ko bhi us ka hukm karte hain. 

                                                                                (Al Irshaad Ila Sahihul Eteqaad: 1/169)

8) Allah Ta'ala Unhein Moajaze ata karte hain.

                                                                          (Sharahul Aqaaidun Nasafiyya: 134 Meem)

9) Allah Unhein Gaib Ki bahot si baatein bataata hai.

                                                                                                    (Sura-e-Aal-e-Imraan:179;

                                                                                                                  Sura-e-Jin: 26-27)

10) Tamaam Nabi aur Rasool Insaan the aur sab mard the koi aurat Nabi aur Rasool nahin hui.

                                                                                                              (Sura-e-Yousuf: 109)

11) Nubuwwat wa Risaalat Allah Ta'ala ka diya huwa atiya hai, us mein aadmi ki koshish, iraade aur ibaadat ko dakhal nahin, isi liye koi Wali chaahe apni mehnat se Allah ke yahaan kitna hi martaba haasil kar le, kabhi kisi Nabi ke darje ko nahin pahoch sakta.

                                                                                  (Safwatut Tafaaseer: 1/150; Sharahul 

                                                                              Aqaaidun Nasafiyya: 164 Meem)

                                                                                                                                  

Nabiyon mein sab se pehle Hazrat Aadam عليه السلام aur sab se aakhir hamare Nabi hazrat Muhammad صلى الله عليه وسلم tashreef laaye. Chand Mash'hoor Nabiyon ke naam ye hain:

     1)   Hazrat Aadam عليه السلام

2) Hazrat Nooh عليه السلام

3) Hazrat Idrees عليه السلام

4) Hazrat Ibrahim عليه السلام

5) Hazrat Ismail عليه السلام

6) Hazrat Yaqoob  عليه السلام

7) Hazrat Yousuf عليه السلام

8) Hazrat Moosa عليه السلام

9) Hazrat Dawood عليه السلام

10) Hazrat Sulaimaan عليه السلام

11) Hazrat Isa عليه السلام

12) Hazrat Muhammad صلى الله عليه وسلم

                                                                             (Sura-e-Ambiya: 48-85; Sharahul Aqaaidun

                                                                                                              Nasafiyya: 135 Meem)

Ambiyaa-e-Kiraam aur Rasoolon ki Taadaad ke Muta'alliq sahi aqeeda ye hain ke un ki koi khaas taadaad muqarrar na ki jaaye, balke ye aqqeda rakha jaaye ke duniya mein Allah Ta'ala ke bahot se Nabi aur Rasool aaye hain, sab apna apna tableeg ka fareeza ada kar ke chale gaye, sab par Imaan laana farz hain, un mein tafreeq karna yaani baaz ko maanna aur baaz ko na maanna kufr hain.

                                                                              (Sura-e-Baqarah: 285; Sharahul Aqaaidun

                                                                                                              Nasafiyya: 138 Meem)

                                                                 

                                         Nabi aur Rasool (Part I)

Risaalat wa Nabuwwat ke maana hain Allah Ta'ala ka paigam logo tak pahuchana. Allah T'ala Logo tak apna paigam pahuchane ke liye apne khaas bandon ko duniya mein bhejhte hain, us paigaam ko pahuchane walon ko " Nabi aur Rasool" kehte hain, Nabiyon ka duniya mein tashreef laana duniya walo ke liye rehmat aur bahit badi nemat hai.

Agar Allah Ta'ala nubuwwat wa risaalat ka silsila jaari na famaata, to insaan na to apne paida karne waale ko pehchaan sakta, na use apni zindagi kke maqsad ka pata chalta, na use bhale bure ki tameez hoti aur na ek doosre ke huqooq ko pehchaan sakta. 

Allah Ta'ala ka bada ehsaan hai ke us ne nabuwwat wa risaalat ka silsila jaari kar ke duniya mein rehne ka sahi tareeqa bata diya. 

                                                                                                   (Sura-e-Aal-e-Imran: 164; Sharhul

                                                                                     Aqeedatul Tahaawiyyah Libne Abil Iz: 1/149)

  

Nabi aur Rasool ke baare mein Zaroori Aqeede:

1) Allah Ta'ala ne Nabi aur Rasool har mulk mein aur har qaum ki taraf bhejhe.

                                                                                        

                                                                                     (Sura-e-Younus: 47; Sura-e-Faatir: 24)

2) Nabi aur Rasool Sachche hote hain, kabhi jhoot nahin bolte, buri aadaton, bure kaamon aur chhote bade gunaahon se paak hote hain.

                                                                                 (Sharahul Aqaaidun Nasafiyya: 139 meem)

3) Allah Ta'ala unhein apne bandon tak ahkaam pahuchane ke liye muqarrar karta hain.

                                                                                    (Sura-e-A'araaf: 62; Sura-e-Ahzaab: 39) 

4) Woh Allah Ta'ala ke ahkaam bandon tak pahuchane mein kotaahi aur kami ziyaadti nahi karte aur Allah Ta'ala ke ahkaam pahuchane mein un se koi bhool aur galti nahi hoti hain.

                                                                                       (Sura-e-Younus: 15; Sura-e-Najm: 2-4)

5) Wo Allah Ta'ala ke ahkaam pahuchaane par bandon se koi muaawza aur ujrat nahin lete.

                                                                                       (Sura-e-eSaba: 47; Sura-e-Shu'ara:18)

                                        To be Continued....

                                                     

                            Aasmani Kitaabon ki Tafsil

Allah Ta'ala Ki 4 Mash'hor Kitaabon mein se 4 Kitaabon mash'hoor hain:

1) Taurait
2) Zaboor
3) Injeel
4) Qur'aan Majeed


1) Taurait : Hazrat Moosa عليه السلام Par Naazil Hua
                                                                                        (Sahi Ibne Hibbaan: 361, Abuzar رضي الله عنه)

2) Zaboor : Hazrat Dawood عليه السلام Par Nazzil  Hua
                                                                                          (Muslim: 4536, Bara Bin Aazib رضي الله عنه)

3) Injeel : Hazrat Isa عليه السلام Par Naazil Hua
                                                                                                                                 (Sura-e-Nisa: 163)

4) Qur'aan Majeed : Hazrat Muhammad صلى الله عليه وسلم Par Naazil Hua
                                                                                                                                (Sura-e-Dahar:23)

In 4 Kitaabon Ke Alaawa Kuchh saheefe Hazrat Shees عليه السلام Par, Kuchh Hazrat Idrees عليه السلام Par, Kuch Ibrahim عليه السلام Par, Kuchh Hazrat Moosa عليه السلام Par, Kuchh Doosre Paigambaron par Naazil Huwe.
                                                                                        (Sahi Ibne Hibbaan: 361 Abuzar رضي الله عنه)

Tamaan aasmaani Kitaabon Ke Baare mein Musalmaanon Ka Yeh Aqeeda Hona Chahiye:

1) Tamaam aasmaani kitaabein insaanon ki rehnumaai ke liye naazil hui hain, un sab mein hidaayat ki baatein hain, waaz wa naseehat se bhare mazaameen hain, amr-o-nahi aur Jannat ke inaamaat aur jahannam ki sazaaon par mushtamil baatein hain aur apne apne zamaane mein un ke ahkaamaat par amal karne mein bandon ki najaat hoti hain, Qur'aan Majeed ke naazil hone ke baad pichhli tamaam kitaabein aur shareeatein mansookh ho gaeen, ab Qayaamat tak sirf Qur'aan Majeed par hi amal karne mein bandon ki najaat hain .

                                                                                                     (Sura-e-Maaida: 44, 49; Muslim: 6378, 

                                                                                                               Zaid bin Arqam رضي الله عنه ; Shahrul Aqaaidun

                                                                                                                 Nasaffiyah: 142, 143 Meem)

2) Pichli aasmani kitaabon me se bahut si kitaabein to aaj maujood nahi hain aur jo kitaabein maujood hain , unme se koi kitaab apni also alfaaz aur maang me mehfooz nahi hain , unme Allah Ta'ala ke kalaam ke saath insaanon ka kalaam bhi shaamil ho gaya hain, gumrah logon ne un mein bahut si baatein apni taraf se mila do hain aur bahot saari baaton ko badal diya hain, isliye unki pichhli kitaabon ki jo baatein Quran ke muaafiq hain, wo to sachchi hain aur jo Quran ke khilaaf hain wo jhooti hain aur jo baatein na muaafiq hain na mukhaalif hain unke baare me hum khamosh rahenge na unko sachcha manege aur na jhutlaenge.

                                               

                                                                                                          (Sura-e- Maaida: 13; Bukhaari 4485

                                                                                                                                               Abu Hurairah رضي الله عنه)

3) Allah Ta'ala ki Naazil ki hui Tamaam kitaabon aur saheefon ke baare mein ye Imam rakhna zaroor hain ke Sab Allah Ta'ala ki taraf se Naazil hui thi, jo bhi in kitaabon aur saheefon me kisi ka in kaar kare, to wo momin nahi.

                                                                                                        (Sura-e-baqarah: 4; Sura-e-Nisa : 136;

                                                                                                                                      Shahrul Aqeedatul  tahaawiyyah                                                                                                                                                           Libne Abil Iz: 1/297)

                                                       Aasmani Kitaabein

Allah Ta'ala ne Bahot si Chhoti Badhi Kitaabein Hazrat Jibraeel عليه السلام Ke Zariye Bahot se Paigambaron par utaareen, Taake Woh Apni Apni Ummaton ko Deen Ki Chhoti Kitaabon ko             " Saheefe" aur Badhi Kitaabon ko " Kitaab " kehte hain.

 Allah Ta'ala ki Bhejhi Hui Kitaabon mein se 4 Kitaabein mash'hoor Hain:

1) Taurait

2) Zaboor 

3) Injeel

4) Qur'aan Majeed

                                                  Farishton ki Tafseel


Allah T'ala ke Anginat Farishton me se 4 Farishte bahut Mash'hoor wa Muqarrab hain:

1) Hazrat Jibraeel عليه السلام

2) Hazrat Meekaeel عليه السلام

3) Hazrat Israfeel عليه السلام

4) Hazrat Izraeel  عليه السلام

1) Hazrat Jibraeel عليه السلام

Jibreel عليه السلام  Allah ke banaye hue farishte hain, jinhone hamare nabi Hazrat Muhammad صلى الله عليه وسلم (PBUH) ko Quran ki aayatein Allah ke hukm se nabiyo aur rasoolon tak pahuchaane ka kaam karte hain .Jibreel  عليه السلام kayi tareeqe se Allah ka kalaam nabiyo aur rasoolon ke paas pahuchaate .Kabhi wo Insaan ke shakal me aate to Kabhi farishta banke. Hazrat Anas رضي الله عنه Aur Hazrat Abu Talha رضي الله عنه se riwayat hain ki jab bhi koi Insaan hamare nabi Hazrat Muhammad صلى الله عليه وسلم (PBUH) Ko darood bhejhta hain to Allah Ta'ala aur Jibreel عليه السلام bhi aap ko darood bhejhte hain.

2)  Hazrat Meekaeel عليه السلام

 Hazrat Meekaeel عليه السلام Allah Ta'ala ki Tamam Makhlooq ko rozi pahuchaane aur baarish wagaira ke intezaamat par muqarrar hain, un ki maatehati mein beshumaar farishte hain, Unke Matehati me Bahut se Farishte kaam karte hain jo Sabhi Makhlooq ko Rozi Pahuchaane aur barish barsaane me madad karte hain. Baaz baadalon ke intezaam par muqarrar hain, Baaz Hawaaon, Bijli aur kadak wagaira par aur baaz Dariyaaon par, talaabon par aur nehron wagaira par muqarrar hain.

Woh Tamaam Cheezon Ka Intezaam Allah Ta'ala ke Hukm ke mutabiq karte hain.

3)  Hazrat Israfeel عليه السلام

 Hazrat Israfeel عليه السلام Qayamat ke Din Soor Phookenge. Allah Ta'ala ne unko is kaam ke liye Muqarrar Kiya hain. Allah Ta'ala ke Hukm se Wo is kaam ko anjaam denge.

4) Hazrat Izraeel  عليه السلام

Hazrat Izraeel  عليه السلام makhlooq ki Rooh Qabz Karne par Muqarrar hain. Un ki Maatehati mein, beshumaar farishte hain, Momin bandon ki jaan nikaalne waale farishte alag hote hain aur kaafir bandon ki jaan nikaalne wale farishte alag hote hain aur kaafir bandon ki jaan nikaalne waale farishte alag hote hain.

In 4 Mash'hoor Farishton ke alaawa aur farishton ka zikr bhi Qur'aan wa Hadees mein Kiya Gaya hain, Jin mein se chand Farishton Ke Kaam Zikr Kiye Jaate Hain:


I) 4 Farishton jin ko " Kiraaman Kaatibeen" Kehte hain jin mein se 2 Din aur 2 raat mein har ek bande ke saath hote hai, ek bande ke saath hote hain, ek daayein kandhe par jo us ki neki likhta hain, doosra baayein kandhe par jo us ki buraai likhta hain.

II) Kuch Farishte Aafaton aur balaaon se insaan ki hifaazat karne par muqarrar hain, jo aage peechhe se us ki hifaazat karte hain, jin ko "Hafazah" kaha jaata hain.

III) Kuch farishte insaan ke mar jaane ke baad qabr mein us se sawaal karne par muqarrar hain, jin ko " Munkar Nakeer " Kehte hain.

Allah Ta'ala ke tamaam farishton par imaan laana zaroori hai. Jo un ka inkaar kare woh momin nahin ho sakta hain.

Farishte

                                         Farishte


Farishte Allah Ta'ala ki Noorani Makhlooq aur us ke Muazzaz bande hain, Woh Gunahon se Paak Hain, Din raat Allah ta'ala ki ibadat mein mashgool rehte hain, jin kaamon par Allah Ta'ala ne unko laga diya hain, un hi mein lage rehte hain, kabhi Alla Ta'ala ki Nafarmani nahi karte hain. Aur Hamesha Allah Ta'ala Ka Diya hua Kaam Baja laate hain.

Quraan me hain :

" Farishte Allah Ke Kisi Hukm Mein Us ki Naafarmani nahin Karte Nahin karte aur Wahi karte hain jis ka Unhein Hukm Diya jaata hain. "
                                                                                                                                 (Sura-e-Tahreem:6)


Farishte Na Mard Hain Aur Na Aurat, Woh Khaane Peene Ke Mohtaaj Nahi Hain, Matlab unhe khaane peene ki koi zaroorat nahi hain , jaise ki Insaan ko khaane peene ki zaroorat hoti hain uske Thiq Ulat hi farishte ko Khane aur na hi Peene ki Koi Zaroorat hoti. Allah Ta'ala ne unka nizaam hi kuch aisa banaya hain ki unko khane peene ki koi zaroorat mehsoos nahi hoti hain. Unki Giza apne Rab ki ibaadat wa bandagi karna aur us ke ahkaam ko baja lana hain, Jis Tarah se Insaan Ko pet bharne ke liye khana aur pyaas bujhane ke liye peena padhta hain , farsihto ko aisi ke liye Allah Ta'ala ne aisa koi bhi nizaam nahi banaya.

Farishte Ibaadat se uktaate nahi hain, woh Ibaadat se takabbur aur aar nahi rakhte hain, Allah Ta'ala ne unko shaklein badalne ki taaqat de rakhi hain, Kabhi wo Insaan ki shakal me haazir hote hain aur kabhi doosri shakl mein, aasmaanon aur zameenon ke saare intezaamaat Allah ta'ala ne un ke supurd kiye hain. Farishte Beshumar hain, un ki tadaad Allah Ta'ala ke siwa koi nahi jaanta.

Qur'aan me Hain:


" Aur Tumhaare Parwardigar ke Lashkaron (Farishton) ko us ke Alaawa koi nahi jaanta."

                                                                                                                       (Sura-e-Muddassir:31)